ഇന്നെനിക്കു കുറച്ചു ടെൻഷൻ ഉണ്ട്, ട്ടോ. കാര്യം വേർതിരിച്ചെടുക്കാൻ പറ്റുന്നില്ല. എന്തൊക്കെയോ ചിന്തകൾ കൂടിക്കുഴഞ്ഞ് മഴക്കാറു പോലെ മനസ്സിൽ. അതങ്ങു മാറും.  ഒന്നു മനസ്സിരുത്തി ഇത്തിരി നേരം പ്രാർത്ഥിച്ചാൽ മതി. എല്ലാം നന്നായി വരും എന്നു മനസ്സിൽ ആവർത്തിച്ചു പറഞ്ഞാൽത്തന്നെ ഒരു ധൈര്യം കിട്ടും. വെറുതെയിരിക്കാൻ ഒട്ടും ഇഷ്ടമില്ലെനിക്ക്. എന്തെങ്കിലുമൊക്കെ ചെയ്തുകൊണ്ടിരിക്കണം. എന്തെങ്കിലും എന്നു വച്ചാൽ ഉപകാരമുള്ള കാര്യങ്ങൾ. ഒന്നെങ്കിൽ എനിക്ക്. അല്ലെങ്കിൽ മറ്റുള്ളവർക്ക്. അല്ലാതെ ചുമ്മാ സമയം കളയാൻ എന്തെങ്കിലും ചെയ്യുന്ന രീതി എനിക്ക് ഒട്ടും പറ്റില്ല. സമയത്തിന് വലിയ വിലയുണ്ട്. അത് വെറുതെ നഷ്ടപ്പെടുത്തിക്കളയാൻ പാടില്ലല്ലോ.