എന്നെക്കുറിച്ച്, എന്റെ ഇനിയുള്ള ജീവിതത്തെക്കുറിച്ച് , എന്നില്‍ വരുത്തേണ്ട മാറ്റങ്ങളെ കുറിച്ച്, എനിക്ക് ചെയ്തു തീര്‍ക്കാനുള്ള കാര്യങ്ങളെ കുറിച്ച് .. അങ്ങനെയങ്ങനെ പല കാര്യങ്ങളെ കുറിച്ചും എനിക്ക് മനസ്സ് തുറന്ന്‍ ഒന്ന് സംസാരിക്കാന്‍ ആഗ്രഹമുണ്ട്. ആരോട്, എപ്പോള്‍ എന്നതാണ് പ്രശ്നം. എല്ലാരും തിരക്കിലാണ്. ഇനി ആരെങ്കിലും കേള്‍ക്കാന്‍ തയ്യാറായാല്‍ തന്നെ അവര്‍ക്ക് വേറെ ജോലിയൊന്നും ഇല്ലാഞ്ഞിട്ടല്ല. അവരുടെ മഹാമനസ്കത കൊണ്ടും എന്നോടുള്ള സ്നേഹം കൊണ്ടുമാണ്. അതോര്‍ക്കുമ്പോള്‍ ആ നല്ല മനുഷ്യരെ എന്തിനാ ബുദ്ധിമുട്ടിക്കുന്നെ എന്ന് എന്റെ മനസ്സ് എന്നെ ശാസിക്കും.അങ്ങനെയെങ്കില്‍ എന്നോട് സംസാരിക്കാനുള്ള ആ ദൌത്യം ഈ പറയുന്ന മനസ്സിന് തന്നെ ഏറ്റെടുക്കാന്‍ പാടില്ലേ എന്നായി ഞാന്‍. അപ്പോള്‍ മനസ്സൊന്നു ചിരിച്ചു. ഓ, ഇങ്ങനെ ചിരിക്കാന്‍ ആര്‍ക്കാ വയ്യാത്തത് !അങ്ങനെയിരിക്കെയാണ് ഈ മുറിയില്‍ വന്നു പെട്ടതും, നിന്നെ കണ്ടുമുട്ടിയതും. എന്നെക്കുറിച്ച് എനിക്കറിയാവുന്നതെല്ലാം നിനക്കും അറിയാം.എന്നിട്ടിപ്പോ, ദാ ഒരു പറച്ചില്‍ !
'നന്നാവുന്നെങ്കില്‍ ഇപ്പൊ നന്നാവണം. ധൈര്യംകാണിക്കണം . നാളെ പല്ലും നഖവും കൊഴിഞ്ഞ് ഒരു മൂലയ്ക്ക് ഇരിക്കുമ്പോ നന്നായിട്ടും, ധൈര്യം കാണിച്ചിട്ടും ഒരു കാര്യോമില്ല !'
ഓ, കേട്ട്.. നന്നാവാം.
No comments:
Post a Comment