എനിക്കിന്നു നിന്റെ അരികില്‍ കുറേ നേരം ഇരിക്കണം. നിന്റെ അരികില്‍... ഇങ്ങനെ ചേര്‍ന്നിരുന്ന് എനിക്ക് നിന്നോടൊരുപാടു കാര്യങ്ങള്‍ പറയണം. അല്ലെങ്കില്‍ വേണ്ട. ഞാന്‍ ഒന്നും പറയുന്നില്ല. നീ തന്നെ എന്റെ മനസ്സു വായിച്ചാല്‍ മതി. എനിക്കൊന്നും പറയാന്‍ വയ്യ.. ഞാന്‍ നിന്റെ മാറിലെ ചൂടില്‍ ഒന്നു മയങ്ങിക്കോട്ടെ..നിനക്കെന്നോട് പറയാനുള്ളതെല്ലാം നിന്റെ ചുംബനങ്ങള്‍ എന്നോട് പറയും..

നീ എപ്പോഴാണ് വന്നത്? എത്ര നേരമായി, എന്നെ ഇങ്ങനെ നോക്കിയിരിക്കാന്‍ തുടങ്ങിയിട്ട്? നീ വന്നത് ഞാനറിഞ്ഞതേയില്ലല്ലോ!

നീ വരുന്നതും പോവുന്നതും ഒരിക്കലും ഞാന്‍ കണ്ടിട്ടില്ല. എന്ത് മായാജാലമാണിത് ?!  

 നിന്നോടെനിക്ക്  ഒരുപാട്  കാര്യങ്ങള്‍ പറയാനുണ്ട്. നിന്നോടല്ലാതെ മറ്റാരോടാണ് ഞാനെന്റെ മനസ്സിലുള്ളതൊക്കെ പറയുക? നിന്റെ തോളില്‍ ഇങ്ങനെ ചാരിയിരിക്കുമ്പോള്‍ മനസ്സിലെ കെട്ടുകളെല്ലാം മെല്ലെ മെല്ലെ അഴിയുന്നതു പോലെ.

നീയെവിടെയാണ്‌?
എനിക്കിപ്പോ, നിന്നെ കാണണം..
എന്നോടു പിണങ്ങിയിരിക്കല്ലേ ..
നീയല്ലാതെ എനിക്കാരുമില്ല..

എന്നെയൊന്നു നെഞ്ചില്‍ ചേര്‍ത്ത് പിടിക്കുമോ?
അമര്‍ത്തി ..ശ്വാസം മുട്ടിച്ച് ..എന്നെയൊന്നു ചേര്‍ത്തു പിടിയ്ക്കുമോ..
നിന്റെ ഹൃദയമിടിയ്ക്കുന്നത് എനിക്ക് കേള്‍ക്കണം.
നിന്റെ കൈകള്‍ക്കുള്ളില്‍ കിടന്ന് ഞാനീ രാത്രി ഉറങ്ങിക്കോട്ടെ?