എനിക്കിന്നു നിന്റെ അരികില്‍ കുറേ നേരം ഇരിക്കണം. നിന്റെ അരികില്‍... ഇങ്ങനെ ചേര്‍ന്നിരുന്ന് എനിക്ക് നിന്നോടൊരുപാടു കാര്യങ്ങള്‍ പറയണം. അല്ലെങ്കില്‍ വേണ്ട. ഞാന്‍ ഒന്നും പറയുന്നില്ല. നീ തന്നെ എന്റെ മനസ്സു വായിച്ചാല്‍ മതി. എനിക്കൊന്നും പറയാന്‍ വയ്യ.. ഞാന്‍ നിന്റെ മാറിലെ ചൂടില്‍ ഒന്നു മയങ്ങിക്കോട്ടെ..നിനക്കെന്നോട് പറയാനുള്ളതെല്ലാം നിന്റെ ചുംബനങ്ങള്‍ എന്നോട് പറയും..

നീ എപ്പോഴാണ് വന്നത്? എത്ര നേരമായി, എന്നെ ഇങ്ങനെ നോക്കിയിരിക്കാന്‍ തുടങ്ങിയിട്ട്? നീ വന്നത് ഞാനറിഞ്ഞതേയില്ലല്ലോ!

നീ വരുന്നതും പോവുന്നതും ഒരിക്കലും ഞാന്‍ കണ്ടിട്ടില്ല. എന്ത് മായാജാലമാണിത് ?!