ഇന്നു കുറേ കാര്യങ്ങള്‍ ചെയ്തു തീര്‍ത്തു. നീ പറഞ്ഞാലേ അനുസരിക്കൂ എന്നായിട്ടുണ്ട് ! ഈ മനസ്സിന്റെയൊരു കാര്യം !! ചിലപ്പോ, എനിക്ക് ഒട്ടും പിടിക്കാറില്ല അതിന്റെ ഓരോ സ്വഭാവങ്ങള്‍. ഇന്നലെ മുതല്‍ വലിയൊരു അന്വേഷണത്തിന്റെ തിരക്കിലാണ്. ആരെയെങ്കിലും ഇപ്പൊ വേദനിപ്പിക്കുന്നുണ്ടോ എന്ന്‍ ! ഞാന്‍ വലിയൊരു വൃത്തം വരച്ചു. പിന്നെ അതിനുള്ളില്‍.. പിന്നെ അതിനുള്ളില്‍.. അങ്ങനെ കുറെ വൃത്തങ്ങള്‍. അടുപ്പവും ബന്ധവും കണക്കാക്കി ഓരോ പേരുകള്‍ എഴുതി. ഓരോ മുഖവും മനസ്സിലോര്‍ത്തു. ഞാന്‍ വേദനിപ്പിക്കുന്നുണ്ടോ എന്ന്  അവരുടെയൊക്കെ മനസ്സില്‍ കയറി നോക്കി. ഞാന്‍ അറിഞ്ഞുകൊണ്ട് ആരെയും വേദനിപ്പിക്കുന്നില്ലെന്നു മാത്രമേ എനിക്ക് മനസ്സിലായുള്ളൂ. അതൊന്നും പോരല്ലോ. പ്രത്യേകിച്ച് ഏറ്റവും  ചെറിയ വൃത്തത്തിനുള്ളില്‍ നില്‍ക്കുന്ന ഒരാളുടെ. ആ മനസ്സ് കൃത്യമായി വായിക്കാന്‍  കഴിയുന്നില്ല. എങ്ങനെയാണ് അതൊന്നു വായിച്ചെടുക്കുക? വായിക്കുമ്പോള്‍ എന്തായിരിക്കും അതിനുള്ളില്‍? നന്മ എത്ര? തിന്മ എത്ര? സന്തോഷം എത്ര? സങ്കടങ്ങള്‍ എത്ര? നിസ്സഹായത എത്ര? ബലഹീനതകള്‍ എത്ര? കഴിവുകള്‍ എത്ര? കഴിവില്ലായ്മകള്‍ എത്ര? സ്നേഹം എത്ര? വൈരാഗ്യം എത്ര? ........ ഒക്കെ എത്രയെന്കിലുമാവട്ടെ.  എനിക്ക് ആ മനസ്സിനെ സ്നേഹിക്കാതിരിക്കാനാവില്ല. ഞാനല്ലാതെ വേറെയാരുമില്ല...

നീ വിഷമിക്കല്ലേ.. ഞാന്‍ കരയുകയല്ല.. അറിയാതെ കണ്ണില്‍....